YBCA: Այն արդեն «այստեղ» է

13.09.2012

1,411

Յուրաքանչյուր տարի Apple-ի հերթական անակնկալին միլիոնավոր մարդիկ են սպասում: Այս տարին ևս բացառություն չէ: Երեկ կայացավ մեծ ակնկալիքներով սպասված iPhone 5-ի շնորհանդեսը: Ինչպես և ակնկալվում էր միջոցառումը տեղի ունեցավ նշված վայրում, նշված ժամանակին՝ Սան Ֆրանցիսկոյի Yerba Buena Center for the Arts (YBCA) արվեստի կենտրոնում:

Արդեն երկար ժամանակ է, համացանցը նորանոր տեղեկատվություններ ու ասեկոսեներ էր տարածում նորույթի վերաբերյալ, տարբեր ընկերությունների կողմից Apple-ին սպառնացող արտոնագրային դատավեճերի մասին: Սակայն այդ ամենին անդրադարձ կլինի մի փոքր ավելի ուշ: Հիմա արդեն ենթադրություններն ու կանխատեսումները ետևում են: Այսօր տոն է Apple-ի երկրպագուների և առհասարակ ողջ աշխարհի համար: Եվ ահա պաշտոնապես ի՞նչ է իրենից ներկայացնում iPhone-ի վեցերորդ սերունդը:

Շնորհանդեսի բացումն արեց Թիմ Կուկը: Նա իր ելույթի սկզբում շնորհակալական խոսք հղեց բոլոր ներկա գտնվողներին և հայտնեց, որ «արտառոց բան» է սպասվում իրենց: Այնուհետև ներկայացվեց տեսահոլովակ, որում ցուցադրվեցին բոլոր AppStore խանութ ցանցերը:

Դրան հետևեցին որոշակի վիճակագրական տվյալներ. աշխարհում գործում է 380 App Store խանութ, իսկ այս ուրբաթ կբացվի ևս մեկը Շվեդիայում: Այնուհետև Թիմ Կուկը գովաբանեց իր՝ Apple MacBookProRetina- ն՝ այն կոչելով ԱՄՆ-ում նոթբուքերի շարքում «առաջատարը»: iPad-ի վերաբերյալ Կուկը նշեց այն փաստը, որ ապրիլ ամսից մինչ հունիս ամիսը վաճառվել է 17մլն iPad, իսկ արդեն սույն թվականի հունիս ամսին այդ թիվը հասել է 84 մլն-ի: Այսպիսով՝ iPad պլանշետները զբաղեցնում են շուկայի 68%-ը:

Կուկի ելույթը շարունակեց Ֆիլ Շիլլերը. նա հայտնեց, որ iPhone5-ը պատրաստված է ապակուց և ալյումինից: Նորույթը iPhone սարքերից ամենից բարակն է. այն 18% -ով բարակ է iPhone4S-ից (7,6 մմ):

Էկրանի անկյունագիծը 4 դյույմ է, իսկ թույլատրելիությունը՝ 1136X640 պիքսել: Էկրանի նմանօրինակ չափը, Ֆիլ Շիլլերի խոսքերով, նախատեսված է ցանկացած չափի ձեռքի ափի համար: Հիմնական ծրագրերը ամբողջովին թարմացված են: Թարմացվել են iWork և iLife (Keynote, Pages, Numbers, iMovie,iPhoto, Garage Band): Հին ծրագրերը ներքևից և վերևից կգործարկվեն սև գծիկներով: Նոր էկրանի կողմերի հարաբերությունը՝ 16:9 է, ինչը հնարավորություն է ընձեռում ցանկացած ֆիլմ վայելել ամբողջական էկրանի ռեժիմում: iPhone5-ի նոր էկրանը հաղորդում է առավել հագեցած պատկերներ (44%), ցուցասարքի սենսորները ներկառուցված են հենց մատրիցայում (In Cell տեխնոլոգիա Sharp-ից), սատարում է LTE ցանցեր (մինչև 100 մբ/ց), ունի նոր ալեհավաք:

Նորույթը հագեցած է նոր Apple A6 պրոցեսորով, որը կրկնակի անգամ ավելի արագագործ է A5-ից: Սարքում առկա է iSight ֆոտոխցիկ, ճակատային խցիկի թույլատրելիությունը այժմ 720 p է կազմում: iPhone5 –ի բարձրախոսը 20%-ով փոքրացել է, ավելացվել է նոր մալուխ և աղմուկը պակասեցնող նոր ռեժիմը:

Սքոտ Ֆորսթալը, խոսելով iOS6 հարթակի մասին, ցուցադրեց iOS6-ում կիրառվող նոր քարտեզի հնարավորությունները: Եվ այսպես՝Flyover 3D ռեժիմ, քարտեզում ավելացված են քաղաքները, ներկայացված են ավելի քան 100 մլն տարբեր շենքեր: Նոր Safari-ն կուրախացնի ամբողջական էկրանի ռեժիմի առկայությամբ: iOS6-ի փոստարկղում հայտնվել է VIP բաժին: Siri-ի միջոցով ձեր խոսքերը միանգամից կհայտնվեն Facebook –ում: Նաև Siri ծառայության սպորտային հնարավորություններ են ավելացվել: Ծառայության միջոցով կարելի է նույնիսկ «գլուխ հանել» ֆիլմերից: Siri-ն կհուշի ձեզ մոտակա կինոթատրոնի գտնվելու վայրը և համառոտ կներկայացնի ֆիլմի բովանդակությունը: Եվ այսպես, սարքը գործում է ամենակատարյալ օպերացիոն համակարգի հիման վրա: iPhone5 –ը հասանելի կլինի երկու գունային լուծումներով՝ սև և սպիտակ:

Այսպիսով՝ սարքում, ինչպես տեսնում ենք, բացակայում են միայն հետևյալ «տարրերը»` NFC չիպը, micro –USB պորտը և անլար լիցքավորման հնարավորությունը: Եվ որպես վերջաբան նշենք հին մոդելների գնանկումը՝ iPhone 4S — 99$, iPhone 4 –անվճար (պայմանագրային) և iPhone5 ` 16 Gb-199$, 32 GB — 299$, 64 GB — 399$: Թե որքանով էին համապատասխանում բազմաթիվ և բազմապիսի ասեկոսեները ներկայացված իրականությանը՝ թողում ենք ձեր դատին:

«iTunes-ը երաժշտական լավագույն խանութն է աշխարհում» արտահայտությամբ բեմում հայտնվեց էդդի Քյուն՝ ներկայացնելու iTunes նվագարկիչը: Ներկայումս iTunes-ում առկա է ավելի քան 435 միլիոն աքաունթ (account) իսկ կոնտենտի (բովանդակության) բեռնման 66%-ը իրականացվում է iOS6-ից: iTunes-ին լիովին նոր դիզայն է սպասվում. դա տեղի կունենա iOS-ի սեպտեմբերի 19-ի թողարկմանը զուգահեռ:

Էդդի Քյուն ներկայացրեց նոր iTunes11 նվագարկիչը: Այն օժտված է հետաքրքիր գործառույթով. ընդհատված ֆիլմը iTunes-ի շնորհիվ կարող եք շարունակել դիտել iOS սարքավորման վրա: Նոր նվագարկչի թողարկումը նախատեսված է հոկտեմբեր ամսին: Գրեգ Ջոսվյակը ներկայացրեց հաջորդ սպասված նորույթը՝ i Pod-ը, նշելով, որ մինչ օրս արդեն վաճառվել է շուրջ 350 մլն iPod:

Նոր սերնդի iPodNano-ն արտաքնապես հիշեցնում է փոքրացված չափերով iPhone-ի: Ցուցասարքի չափը 2,5 դյույմ է, հաստությունը՝ 5,4 մմ. սարքն ունի Home կոճակ և Bluetooth աջակցություն: Այն կարող է աշխատել մինչև 30 ժամ առանց լիցքավորման:

Նոր iPod Touch-ի հաստությունը 6,1մմ է, կշիռն ընդամենը 81 գրամ. Ցուցասարքը նույնն է, ինչ i Phone5-ինը, հագեցած է երկմիջուկանի AppleA5 պրոցեսորով, օժտված Bluetooth4.0 և AirPlay Mirroring-ի աջակցությամբ: Բացի այդ iPodTouch-ը հագեցած է նոր՝ 1080p թույլատրելիությամբ iSight ֆոտոխցիկով: