Xiaomi Mobile World Congress 2017
Xiaomi Mi 5C-ն ընկերության համար հատկանշական մոդել է, քանզի այն առաջին սմարթֆոնն է, որը հիմնված է արտադրողի սեփական Pinecone S1 / Surge S1 չիպսեթի վրա: Xiaomi Mi 5C սմարթֆոնը հագեցվել է IPS էկրանով` 5,15 դյույմ անկյունագծով և 1920×1080 պիքսել թողունակությամբ: Xiaomi Mi 5C-ի մետաղյա իրանն առանձնանում է ուրույն կորացված եզրերով, նվազագույն հաստությամբ (ընդամենը 7,09 մմ) և մի քանի գունային տարբերակներով, որոնց թվում են սևը, ոսկեգույնն ու ոսկե վարդագույնը: Մատնահետքերի ճանաչման սքաներն ինտեգրվել է Home կոճակին առջևի վահանակի վրա:
Xiaomi Mi 5C-ի հիմնական տեսախցիկի դերում 12 Մպ-ոց սենսորն է` խոշոր 1.25μm պիքսելներով և Surge ISP-ի շնորհիվ 150%-ով կատարելագործված լուսընկալմամբ: Արտադրողը նաև խոստանում է, որ սմարթֆոնն արդեն մարտ ամսին Android 7.1 «Nougat» օպերացիոն համակարգի նորագույն թարմացում կստանա: Xiaomi Mi 5C սմարթֆոնի վաճառքը կմեկնարկի ընթացիկ տարվա մարտի երեքից, 3 Գբ/ 64 Գբ-անոց տարբերակը մոտ $220 կարժենա:
