MWnews.am կայքը Mobile World Congress 2015-ին /Բարսելոնա-Իսպանիա/

Mobile World Congress-ը (Համաշխարհային բջջային համագումարը) բջջային արդյունաբերության միջազգային խոշորագույն ցուցահանդեսներից մեկն է: Mwnews.am-ի հատուկ թղթակից Տաթևիկ Ղազարյանը նույնպես ներկա է եղել այս համաշխարհային միջոցառմանը և ներկայացրել է MWC2015-ը իրադարձությունների վայրից: Ամենահիշարժան և հետաքրքրական փաստերի մասին դուք կարող եք իմանալ ստորև:

 

Alcatel-ը ներկայացրել է OneTouch Idol 3 սմարթֆոնը

Alcatel-ը ներկայացրել է երկու տարբերակ, որոնցից մեկն ունի 4.7 դյույմանոց HD ցուցասարք և 1.2 ԳՀց հաճախականությամբ քառամիջուկ Snapdragon 410 պրոցեսոր, իսկ մյուսն օժտված է 5,5-դյույմանոց Full HD ցուցասարքով և 64 բիթանոց ութմիջուկանի Snapdragon 615 պրոցեսորով: Սմարթֆոնի դիմային մասում ֆիզիկական ստեղները բացակայում են:

4.7 դյույմանոց տարբերակն ունի 1 Գբ օպերատիվ և 16 Գբ ներկառուցված հիշողություններ, 13 Մպ հիմնական և 5 Մպ դիմային տեսախցիկներ, microSD բնիկ, ինչպես նաև 2000 մԱ/ժ հզորությամբ մարտկոց:

Ավագ մոդելը ստացել է 2 Գբ օպերատիվ և 16 Գբ ներկառուցված հիշողություններ (կամ 32 Գբ երկու sim քարտով աշխատող սմարթֆոնի դեպքում), 13 Մպ հիմնական և 8 Մպ դիմային տեսախցիկներ և 2910 մԱ/ժ հզորությամբ մարտկոց:

OneTouch Idol 3-ի գինը, մոդիֆիկացիայից կախված, կլինի  200 կամ 250 եվրո:

 

HTC ընկերությունը MWC 2015 ցուցահանդեսին ներկայացրեց HTC One M9 սմարթֆոնը: 

Թայվանական ընկերության այս նոր դրոշակակիրը օժտվել է 1920х1080 կետայնությամբ 5 դյույմանոց ցուցասարքով, 2 ԳՀց հաճախականությամբ 64 բիթանոց Qualcomm Snapdragon 810 պրոցեսորով, Adreno 430 գրաֆիկական արագացուցիչով, 3 Գբ օպերատիվ և 32 Գբ ներկառուցված հիշողություններով, microSD բնիկով (մինչև 128 Գբ), ինչպես նաև TV-out, GPS + GLONASS, Bluetooth 4.1, NFC, LTE, Wi-Fi ac անլար մոդուլներով:

Սարքավորումը ստացել է Toshiba 1/2.3″ սենսորով և F/2.2 բացվածքով 20 Մպ-ոց BSI հիմնական տեսախցիկ: Դիմային տեսախցիկը 4 ուլտրապիքսել է, մարտկոցի հզորությունը 2840 մԱ/ժ: HTC One M9-ը աշխատում է Android 5.0 Lollipop օպերացիոն համակարգով:

Սմարթֆոնը վաճառում կհայտնվի ապրիլի սկզբին:

 

Microsoft ընկերությունը MWC 2015 ցուցահանդեսին ներկայացրեց Lumia 640 և Lumia 640 XLսմարթֆոնները: 

Երկու սարքավորումներն էլ աշխատում են Windows Phone 8.1 օպերացիոն համակարգով, օժտված են 8 Գբ ներկառուցված հիշողություններով և microSD բնիկով (մինչև 128 Գբ):

Microsoft Lumia 640-ը աշխատում է 1.2 ԳՀց հաճախականությամբ քառամիջուկ Snapdragon 400 պրոցեսորով: Սարքավորումը ստացել է Gorilla Glass 3 ապակիով պաշտպանված և 1280х720 կետայնությամբ 5 դյույմանոց սենսորային ցուցասարք, 1 Գբ ՕՀՍ, LED լուսարձակով 8 Մպ հիմնական տեսախցիկ (1080p տեսանյութ 30fps արագությամբ), 1.3 Մպ դիմային տեսախցիկ և 2500 մԱ/ժ հզորությամբ մարտկոց:

Lumia 640-ի գինը՝ կախված մոդիֆիկացիայից (երկու քարտ, 3G կամ LTE), կտատանվի 140-160 եվրոի սահմաններում:

Microsoft Lumia 640 XL պլանշետոֆոնը ստացել է Gorilla Glass 3-ով պաշտպանված և 1280×720 կետայնությամբ 5.7 դյույմանոց IPS ցուցասարք, Snapdragon 400 պրոցեսոր, 1 Գբ ՕՀՍ, Zeiss օպտիկայով և  f/2.0 բացվածքով 13 Մպ հիմնական և 5 Մպ դիմային տեսախցիկներ, 3000 մԱ/ժ հզորությամբ մարտկոց:

Lumia 640 XL-ի գինը՝ կախված մոդիֆիկացիայից (երկու քարտ, 3G կամ LTE), կտատանվի 190-220 եվրոի սահմաններում:

 

Sony ընկերությունը ներկայարեց Sony Xperia Z4 Tablet դրոշակակիր պլանշետը

Պլանշետը ստացել է 2560×1600 թողունակությամբ և 300 ppi խտությամբ 10.1 դյույմանոց Triluminos IPS ցուցասարք, 8 միջուկանի Snapdragon 810 պրոցեսոր (2 Գհց-ոց քառամիջուկ Cortex-A57 և 1.5 ԳՀց-ոց քառամիջուկ Cortex-A53), Adreno 430 գրաֆիկա և 3 Գբ ՕՀՍ, 32 Գբ ներկառուցված հիշողություն և 6000 մԱ/ժ հզորությամբ մարտկոց:

Sony Xperia Z4 Tablet-ում կիրառվում է Sony Exmor RS սենսորով 8 Մպ-ոց հիմնական և 5 Մպ-ոց դիմային տեսախցիկներ: Կաղապարն ունի մետաղական շրջանակ և պաշտպանված է IP68 ստանդարտով: Հաստությաւնը կազմում է 6.1 մմ, իսկ քաշը՝ 395 գրամ:

Sony Xperia Z4 Tablet-ն աշխատում է Android 5.0 Lollipop օպերացիոն համակարգով և սատարում է LTE և Wi-Fi only: Վաճառքում կհայտնվի 2015 թվականի հունիսին:

Xperia Z4 Tablet-ից բացի Sony ընկերությունը ներկայացրեց Xperia M4 Aqua սմարթֆոնը:

Սարքավորումը ևս պաշտպանված է IP68 ստանդարտով:

Sony Xperia M4 Aqua-ն աշխատում է Snapdragon 615 ութմիջուկանի պրոցեսորով: Սարքում տեղադրված է 1280х720 թողունակությամբ 5.2 դյույմանոց IPS ցուցասարք, 13 Մպ-ոց հիմնական և 5 Մպ դիմային տեսախցիկներ, 2 Գբ ՕՀՍ, 8/16 Գբ ներկառուցված հիշողություն և Android 5.0 Lollipop օպերացիոն համակարգ:

Մարտկոցի հզորությունը կազմում է 2400 մԱ/ժ: Գինը կլինի մետ 300 եվրո:

 

Gionee ընկերությունը ներկայացրել է Gionee Elife S7 բարակ սմարթֆոնը

Սարքավորման հաստությունը ընդամենը 5.55 մմ. է: Այն աշխատում է 64 բիթանոց ութմիջուկանի MediaTek MT6752 պրոցեսորով և  Android 5.0 Lollipop օպերացիոն համակարգով: Օպերատիվ հիշողությունը 2 Գբ է, ներկառուցվածը՝ 16 Գբ:

Սմարթֆոնն սատարում է LTE ցանցեր: 1080p կետայնությամբ Amoled դիսփլեյի  անկյունագիծը 5.2 դյույմ է: Հիմնական տեսախցիկը 13 Մպ է, իսկ ճակատայինը 8 Մպ:

Gionee Elife S7-ի մարտկոցի հզորությունը կազմում է 2750 մԱ/ժ: Գինը կլինի մոտ 400 դոլար:

 

LG ընկերությունը ներկայացրել է LG G Flex2-ը

MWC 2015-ի շրջանակներում ընկերությունը ներկայացրել էր նաև LG G Flex 2 բջջային սարքավորումը: Կորությունը G Flex 2-ի  հիմնական առանձնահատկություններից մեկն է: Սմարթֆոնն առաջին անգամ ներկայացվել էր հունվար ամսին՝ CES 2015 ցուցահանդեսին:

Սարքի կորությունը և ցուցասարքի ճկունությունը սմարթֆոնի կառույցը դիմացկուն են դարձնում սեղմման նկատմամբ: G Flex 2-ի կաղապարի ծածկույթը սարքը պաշտպանում է միկրոքերծվածքներից, որոնք առաջանում են ամենօրյա օգտագործման ընթացքում սարքավորումը բանալիների կամ այլ մանրուքների հետ կրելու դեպքում:

Սմարթֆոնն օժտված է 1920×1080 թողունակությամբ 5.5 դյույմանոց P-OLED կոր էկրանով, Snapdragon 810 պրոցեսորով, 2/3 Գբ օպերատիվ և 16/32 Գբ ներկառուցված հիշողություններով, microSD բնիկով, 13 Մպ հիմնական և 2 Մպ դիմային տեսախցիկներով և 3000 մԱ/ժ հզորությամբ մարտկոցով: Սարքավաորումը սատարում է LTE և NFC: Որպես օպերացիոն համակարգ հանդես է գալիս Android 5.0-ն: