MWnews.am կայքը Mobile World Congress 2014-ին /Բարսելոնա-Իսպանիա/

28.02.2014

19,955

Mobile World Congress-ը (Համաշխարհային բջջային համագումարը) բջջային արդյունաբերության միջազգային խոշորագույն ցուցահանդեսներից մեկն է:

Հատկապես այդ միջոցառման ժամանակ է, որ յուրաքանչյուր տարի բջջային ոլորտի առաջատար ընկերությունները (Nokia-ն, Samsung-ը, HTC-ն և այլք) ներկայացնում են իրենց հիմնական նորույթները` սմարթֆոններ, պլանշետներ, ծրագրային ապահովումներ, օպերացիոն համակարգեր և այլն:

Եվ երեկ ավարտվեց 2014 թվականի Mobile World Congress ցուցահանդեսը, որին մասնակցել և որի ողջ ընթացքին հետևել է նաև մեր ներկայացուցիչը, ով տեսանյութրթեր է պատրաստել, նկարահանել սարքավորումները, պարզել դրանց տեխնիկական բնութագրերը: Ամփոփելով արդյունքները` ընթերցողին ենք ներկայացնում ողջ MWC 2014-ի լուսաբանումը:

Եվ իհարկե, սկսենք, թերևս, ամենասպասվածից` SAMSUNG:

Samsung-ը ցուցահանդեսին ներկայացել էր իր նորարարություններով, և գուշակեք, թե որ սարքի մոտ էր ամենամեծ հերթը, իսկ որի շուրջ ամենամեծ աղմուկը: Այո, Galaxy S5-ի, որը վերջապես ներկայացվեց հանրությանը:

Եվ ահա այսպիսին է Samsung Galaxy S5-ը

Samsung-ը Galaxy S5-ին օժտել է 5.1-դյույմ անկյունագծով և 1920х1080 թույլատրելիությամբ Super AMOLED էկրանով: Հաղորդակիցն ընդգրկված է փոշուց և ջրից պաշտպանված կաղապարում, որը համապատասխանում է IP67 ստանդարտին:

Galaxy S5-ը մնացել է ավանդական պլաստմասե կաղապարում, որի սահմանները պատված են արծաթագույն շերտով, իսկ ետնամասը` ողողափոս նախշով: Ստորին հատվածում տեղադրված USB 3.0 բնիկը ծածկված է պլաստմասե գլխիկով: Հեռախոսի քաշը հավասարաչափ է բաշխված, ուտի և այն և հարմար է բռնելու համար անկախ ուղղահայաց կամ զուգահեռ դիրքից:

Galaxy S5-ը, հետևելով iPhone 5S-ին օրինակին, օժտվել է մատնահետքերի սքաներով, որը ինտեգրված է «Home» կոճակի մեջ: Կենսաբանական համակարգի սկզբնական կարգավորումների համար անհրաժեշտ է ութ անգամ մատն անցկացնել ցուցիչի վրայով, որպեսզի վերջինս հիշի մատնահետքերը: Կենսաչափական նույնականացումը կիրառվում է սարքավորումն ապաարգելափակելու և էլեկտրոնային վճարումները հաստատելու նպատակով, օրինակ PayPal-ը: Galaxy S5-ը շարունակում է Galaxy S4-ի գործը և շեշտը դնում սեփականատիրոջ առողջության վրա, և այդ պատճառով սմաթֆոնն օժտվել է սրտի ռիթմի ցուցիչով: Բավարար է մի քանի վայրկյան շարունակ մաը սեղմել այդ սքաների պատուհանի վրա (գտնվում է կաղապարի ետնամասում), որպեսզի էկրանին արտացոլվեն արդյունքները: Նորույթը հարմար է սովորական չափումների համար, սակայն այն այնքան էլ հարմար չէ սպորտային մարզումների ընթացքում կիրառելու համար: Ակնհայտ է, որ հարկ կլինի օգտվել Gear 2 խելացի ժամացույցներից:

Galaxy S5 –ն ունի հիմնական 16 ՄՊ տեսախցիկ, որն ի վիճակի է կետրոնացումն ուղղել և կադրը նկարել 0,3 վ-ում:

Հետաքրքիր համալրում է դարձել ընտրովի Selective Focus կենտրոնացման գործառույթը, որը հնարավորություն է տալիս նկարահանումից հետո ընտրել նկարի սրությունը, օրինակ, կենտրոնացման ուղղությունը առջևից փոխելով հետև: Զուգահեռ է անցկացվում Nokia Lumia –ում կիրառված Lytro մոտեցման հե: Ակնհայտ է, որ տեսախցիկը նկաում է մի քանի նկարներ, մեկը մյուսի ետևից, կենտրոնացման տարբեր ուղղություններով:

Օգտակար է HDR Live ռեժիմը, որը ժամանակի իրական մասշտաբում ցուցադրվում է էկրանի վրա, և ցույց տալիս, թե ինչպիսին կլինի վերջնական HDR նկարը: Հիշեցնենք, որ HDR նկարահանումը նախատեսված է լույսի և ստվերի խաղը պահելու համար, և այդ նպատակով նկարում է տարբեր հատվածներով կադրերի մի շարք՝ այնուհետև դրանք միավորվում են մեկ նկարի մեջ:

Galaxy S5-ի տեսախցիկն ի վիճակի է տեսանյութ նկարահանել 4K Ultra HD ձևաչափով՝ 3840х2160 թույլատրելիությամբ: Հաշվի առնելով microSD ֆորմատի ֆլեշ քարտի համար նախատեսված բնիկի առկայությունը, պետք չէ անհանգստանալ տվյալների կուտակիչի վրա ազատ հիշողությունը սպառելու համար:

Download Booster ներբեռնման գործառույթը հասարակ է թվում, սակայն այն հաստատ դուր կգա օգտատերերին: Գաղափարը հետևյալում է՝ եթե անհրաժեշտ է ներբեռնել ինչ-որ մի ծավալային ֆայլ կամ ավելի քան 30 ՄԲ տվյալներ, օրինակ, 4K ֆիլմ, կարելի է միաժամանակ և զուգահեռաբար կիրառել անլար Wi-Fi և LTE ալիքներ: Հասկանալի է, որ տվյալների փոխանցման ալիքների այդքան ագրեսիվ շահագործումը կազդի մատկոցի լիցքաթափման վրա, սակայն եթե դուք տանն եք, դա այնքան էլ սարսափելի չէ:

Galaxy S5-ում կիրառվում է Google Android 4.4 KitKat բջջային օպերացիոն համակարգ, որը համալրված է ֆիրմային Samsung TouchWiz ինտերֆեյսով:

Պակաս հետաքրքիր չէին նաև Samsung-ի խելացի ժամացույցները ` Gear 2-ը և Gear 2 Neo-ն:

Դրանք, իրենց իրենց նախորդ սերունդների համեմատ, ավելի բարակ և թեթև և աշխատում են Tizen OՀ-ի, և ոչ թե Android-ի հիման վրա:

Samsung Gear 2-ում տեղադրված է 320 x 320 թույլատրելիությամբ 1,63 դյույմանոց Super AMOLED էկրան, 1 ԳՀց հաճախականությամբ երկմիջուկային պրոցեսոր, 2ՄՊ տեսախցիկ, 512 ՄԲ ՕՀՍ, 4 ԳԲ ներկառուցված հիշողություն, արագաչափ, սրտի ռիթմի ցուցիչ և 300 մԱ/ժ հզորությամբ մարտկոց, որը բավարարում է 2-3 օր սովորական օգտագործման և 6 օր խնայողաբար աշխատացնելու համար: Իսկ դրանց կաղապարները համապատասխանում են պաշտպանության IP67 ստանդարտին:

Ինչ վերաբերում է Samsung Gear 2 Neo-ին, ապա այստեղ բացակայում է տեսախցիկը, իսկ ժամացույցների մնացած հնարավորությունները գրեթե ամբողջովին համընկնում են: Դրա հետ մեկտեղ այդ ժամացույցները Samsung Gear 2 –ից թեթև են և կշռում են 55 գրամ:

Samsung Gear 2 –ն ու Gear 2 Neo-ն շուկայում կթողարկվեն 2014թ-ի ապրիլին:

Հետաքրքրական նորույթ էր նաև կոր էկրանով Samsung-ի Gear Fit ապարանջանը:

Այն դարձել է արդյունաբերության մեջ առաջին դյուրակիր սարքավորումը, որ օժտվել է կոր Super AMOLED էկրանով: Samsung Gear Fit –ի 1,84-դյույմանոց կոր էկրանն ունի 432х128 պիքսելների թույլատրելիություն: Սարքը ստանում է դաստակի ձև, այդ կերպ ապահովում շարժման լիարժեք ազատություն: Նորույթը ծանուցում է մուտքային հաղորդագրությունների, զանգերի, էլեկտրոնային նամակների և օրացույցի հիշեցումների մասին: Samsung Gear Fit-ում տեղադրված է Bluetooth 4.0 LE, արագաչափ, գիրոսկոպ և սրտի ռիթմի ցուցիչ, իսկ 210 մԱ/ժ հզորությամբ մարտկոցն ապահովում է 3-4 օրվա աշխատանք սովորական ծանրաբեռնվածության պայմաններում: Աքսեսուարի ֆիզիկական չափերն են 23,4 x 57,4 x 11,95 մմ, իսկ կշիռը՝ 27 գ: Samsung Gear Fit-ը շուկայում կհայտնվի 2014թ-ի ապրիլին: Դրա հետ մեկտեղ օգտատերերն ի վիճակի են ընտրել հետևյալ երանգներից մեկը՝ սև, նարնջագույն կամ մոխրագույն:

MWC 2014-ից առաջ աղմուկ էր բարձրացրել նաև NOKIA-ն, և բոլորը սպասում էին, իհարկե, այս ընկերության առաջին Android սմարթֆոնին

Nokia X ՝ Android սմարթֆոն

Հիմնական մոդելն օժտված է 800×480 թույլատրելիությամբ 4 դյույմանոց IPS LCD WVGA էկրանով, ֆիքսված կենտրոնացմամբ 3 ՄՊ տեսախցիկով, 1 ԳՀց հաճախականությամբ երկմիջուկային Snapdragon պրոցեսորով, 1500 մԱ/ժ հզորությամբ մարտկոցով, 512 ՄԲ ՕՀՍ-ով, 4 ԳԲ ֆլեշ-հիշողությամբ և microSD հիշողության քարտի համար նախատեսված բնիկով: Սմարթֆոնում ամենահետաքրքիրը, բնականաբար, օպերացիոն համակարգն է: Microsoft-ի ազդեցության ներքո, Android 4.1.2-ն օժտվել է վահանակով, որը շատ նման է Windows Phone-ին, ինչպես նաև հրաժարվել է բոլոր Google ծառայություներից: Gmail-ի, Google Maps-ի և այլ ծառայությունների փոխարեն զբաղեցրել են Microsoft Cloud, Skype, OneDrive, Outlook, Here Maps, MixRadio ծառայությունները: Ինչ վերաբերում է Google Play Store հավելվածների խանութին, ապա դրանից նույնպես հրաժարվել են հօգուտ Nokia Store-ի, որտեղ տեղադրված են միայն ընկերության կողմից արտոնագրված ծրագրերը: Մի կողմից տեղի է ունեցել այն, ինչին շատերն էին սպասում՝ այնուամենայնիվ թողարկվեց Nokia –ի Android-սմարթֆոնը, սակայն մյուս կողմից դա մի հիբրիդ է ստացվել, որի առավելությունների ու թերությունների մասին դեռևս շուտ է դատողություններ անել: Թե որքանով է հաջողակ ստացվել Nokia X մոդելային շարքը, ցույց կտա ժամանակը:

Nokia-ն ներկայացրել է նաև 220 և Asha 230 բյուջետային սմարթֆոնները

Չնայած նրան, որ այս շարքն առանձնապես հաջողություն չունի՝ Nokia-ն համառորեն շարունկում է ներկայցնել Asha-ի նորանոր մոդելները:
Nokia 220-ը, որը որ ակտուալ հեռախոս է, համալրված է 2.4 դյույմանոց QVGA չափազանց ցածր՝ 320×240, թույլատրելիությամբ էկրանով, ստեղնաշարով, 2 ՄՊ տեսախցիկով, Bluetooth-ով և 1100 մԱ/ժ մարտկոցով: Սատարվում են GSM 900/1800 ՄՀց ցանցերը: Այն երկքարտանի է: Միակ իրական առավելությունն այն է, որ մարտկոցը 15 ժամ կաշխատի առանց լիցքավորման: Չափերն են՝ 116,4х50,3х13,2մմ, քաշը՝ 83,4գ:

Ինչ վերաբերում է Asha 230-ին, ապա սա սենսորային է: Այն ունի 2.8 դյույմանոց QVGA էկրան, որի թույլատրելիությունը նույնն է ինչ Nokia 220-ինը՝ 320×240: Տեսախցիկը 1.3 ՄՊ է, ունի արագաչափ, մոտեցման ցուցիչ, Bluetooth 3.0, microSD բնիկ: Մարտկոցի ծավալը 1020 մԱ/ժ է, իսկ ինքնավար աշխատանքի ժամանակը՝ 12 ժամ: Սպասման ռեժմում նույնը կլինի 21 օր:

Ներկայացվել են նաև աքսեսուարներ

Ակտիվ էր նաև LG ընկերությունը, որը, կարծես, նպատակ էր դրել ապացուցելու, որ ինքն էլ իր խոսքն ունի ասելու սմարթֆոնների աշխարհում և արժանի է առաջատարների շարքին դասվելուն:

LG –ն ներկայացրել է LTE –ի սատարմամբ 4-միջուկային LG F70 և LG F90 սմարթֆոնները

LG ընկերությունը MWC 2014-ի շրջանակներում LTE –ցանցերի սատարմամբ երկու նոր LG F70 և LG F90 սմարթֆոններ է ներկայացրել: LG F70-ում տեղադրված է 4,5-դյույմանոց սենսորային WVGA IPS-ցուցասարք, 1.2 ԳՀց հաճախականությամբ 4-միջուկային պրոցեսոր, 4 Գբ ներկառուցված հիշողություն, microSD բնիկ, 1 Գբ RAM, 5Մպ և VGA-տեսախցիկներ, 2440 մԱ/ժ հզորությամբ շարժական մարտկոց և Android 4.4 KitKat օպերացիոն համակարգ: Իսկ LG F90-ն օժտվել է 540х960 պիքսելների թույլարելիությամբ ավելի մեծ 4,7-դյույմանոց էկրանով, 4-միջուկային Snapdragon 400 չիպսեթով, 512 Մբ RAM-ով, 8Մպ և VGA-տեսախցիկնեո, 4 Գբ ներկառուցված հիշողությամբ, microSD բնիկով, 3000 մԱ/ժ հզորությամբ բնիկով և Android 4.4 KitKat ՕՀ-ով: Երկու սարքերն էլ օժտվել են LG Knock Code գործառույթի սատարմամբ, որը հնարավորություն է տալիս հեռախոսը միացնել կամ ապաարգելափակել էկրանի վրա մի քանի անգամ թակելու միջոցով:

LG G2 mini-ն

Սմարթֆոնը շուկայում կհայտնվի մի քանի տարբերակներով, որոնցից մեկը կօժտվի Snapdragon 400 չիպսեթով, իսկ մյուսը՝ Nvidia Tegra 4i-ով: Բացի այդ շուկայում կհայտնվի առանց LTE-ցանցերի սատարման սարք, ինչպես նաև SIM-քարտի համար նախատեսված երկու բնիկներով օժտված LG G2 mini:

LG G2 mini-ն կօժտվի 1 Գբ ՕՀՍ-ով, 540 x 960 պիքսելների թույլատրելիությամբ 4.7-դյույմանոց սենսորային IPS-էկրանով, 8 Մպ և 1.3 Մպ տեսախցիկներով, Wi-Fi, Bluetooth, GPS մոդուլներով, 8 Գբ ներկառուցված հիշողությամբ, microSD բնիկով, 2440 մԱ/ժ հզորությամբ մարտկոցով և Android 4.4 KitKat օպերացիոն համակարգով:

Չնայած իր մեծ էկրանին, LG G2 mini-ն բավականին կոմպակտ չափսեր ունի և ընդամենը 1 մմ-ով մեծ է 4.3-դյույմանոց Sony Xperia Z1 Compact-ից:

Նախորդ տարին HTC-ի համար մեղմ ասած լավագույնը չէր և այդ է պատճառըմ որ այս ընկերությունն ամենայն պատասխանատվությամբ էր մոտեցել այս ցուցահանդեսին առավել քան պատշաճ ներկայանալու հարցին:

HTC-ն Desire 816 և Desire 610 սմարթֆոնները

HTC Desire 816-ում տեղադրվել է 1.6 ԳՀց հաճախականությամբ և Adreno 305 գրաֆիկայով քառամիջուկ պրոցեսորով Snapdragon 400 չիպսեթ, 1,5 ԳԲ ՕՀՍ, 720×1280 թույլատրելիությամբ 5,5 դյույմանոց սենսորային էկրան, 13ՄՊ և 5ՄՊ տեսախցիկներ, 8 ԳԲ ներկառուցված հիշողություն, microSD բնիկ, 2600 մԱ/ժ հզորությամբ մարտկոց, Bluetooth 4.0 և Wi-Fi Direct –ով Wi-Fi 802.11 b/g/n:

Գաջեթում առկա է GSM/GPRS/EDGE, WCDMA/HSPA+ և 4G LTE ցանցերի սատարում: Նորույթի ֆիզիկական չափերն են 156,6×78,7×7,99 մմ, կշիռը՝ 165 գ: Սմարթֆոնի թողարկումը նախատեսված է 2014թ-ի ապրիլին: Այն խանութներում կհայտնվի սև, սպիտակ, նարնջագույն, կանաչ, մուգ կաույտ և մոխրագույն երանգներով:

Իսկ HTC Desire 610 –ը ավելի կոմպակտ սարք է, որն օժտված է 4,7 դյույմանոց qHD էկրանով, 1.2 ԳՀց հաճախականությամբ քառամիջուկ Snapdragon 400 պրոցեսորով, 1 ԳԲ ՕՀՍ-ով, 8 ԳԲ ներկառուցված հիշողությամբ, microSD բնիկով (մինչև 64 ԳԲ), 8ՄՊ և 1,3 ՄՊ տեսախցիկներով, ինչպես նաև 2040 մԱ/ժ հզորությամբ մարտկոցով: Սմարթֆոնը եվրոպական շուկայում կհայտնվի 2014թ-ի մայիսին:

Huawei-ն սպառողների շրջանակում հետաքրքրություն է վայելում շնորհիվ իր ցածր գնի դիմաց առաջարկած բարձր որակի, և այն մեզ այս ցուցահանդեսին էլ ուրախացրեց բյուջետային, բայց ոչ անիմաստ կամ պարզունակ սարքերով:

Huawei ընկերությունը պաշտոնապես նոր Huawei Ascend G6 սմարթֆոն է ներկայացրել:

Ինչքան էլ որ տգեղ տեսք ունենան սովորական հեռախոսային զանգեր կատարելու հնարավորությամբ օժտված պլանշետները, դրանք մեծ պահանջարկ են վայելում: Իսկ եթե պահանջարկ կա, ապա կլինի նաև մեծ առաջարկ: Huawei ընկերությունը ներկայացրել է 7 դյույմանոց ամենաթեթև և ամենանեղ սարքավորումը: MediaPad X1-ը կշռում է ընդամենը 239 գրամ և ունի 103.9 մմ լայնություն՝ այդ ցուցանիշներով առաջ անցնելով ASUS Fonepad 7-ից, Kindle Fire HDX 7 –ից և Nexus 7-ից: Բացի ադ, 7.18 մմ հաստությամբ կաղապարում տեղադրված է 5000 մԱ/ժ հզորությամբ մարտկոց, 1920×1200 թույլատրելիոթյամբ LTPS էկրան, երկու տեսախցիկ՝ 13 ՄՊ (f/2.4) հիմնական և 5 ՄՊ (f/2.2) ճակատային, 1.6 ԳՀց հաճախականությամբ քառամիջուկ Cortex-A9 պրոցեսոր, գրաֆիկական Mali-450 MP4 չիպ, 2 ԳԲ ՕՀՍ, 16 ԳԲ ներկառուցված հիշողություն, microSD բնիկ, TD-LTE և FD-LTE մոդուլներ, որոնք ապահովում են 4G արագությամբ աշխատանք, ինչպես նաև WCDMA սատարում: Բավականին որակյալ բաղադրությունից բացի MediaPad X1-ի սեփականատերերը կունենան հիմնական ծրագրերի գերազանց հավաքածու, որոնց շարքում են՝ ձայնի և շարժումների ղեկավարումը, մուտքային զանգերի ավտոմատ ընդունումը սարքավորումը ականջին մոտեցնելու դեպքում և այլն: Հաշվի առնելով 399 եվրո գինը, նորույթն անշուշտ մեծ ուշադրության է արժանի, իսկ դա ձեռք բերել հնարավոր կլինի այս տարվա մարտ ամսին:

Sony-ն ավանդաբար փորձեց զաևմացնել իր Xperia շարքով, իսկ ավելի կոնկրետ, այդ ծարքի նորույթներով:

Ներկայացվեց Sony Xperia Z2-ը` նոր Android-դրոշակակիրը

Sony-ն ներկայացրել է իր Xperia Z2-ը, որը կփոխարինի նախորդ տարվա դրոշակակիր Android-հաղորդակից Xperia Z1-ին: Նորույթը հայտնվել է վերջինիս շնորհանդեսից վեց ամիս հետո, և դա պատահական չէ, քանի որ ճապոնական կորպորացիան, որն ազատվել է Vaio անձնական համակարգիչների բիզնեսից, ամբողջովին կենտրոնացել է սմարթֆոնների, պլանշետների և հեռուստացույցների վրա:

Sony-ն Xperia Z2-ին օժտել է 5,2-դյույմ անկյունագծով, 1080p թույլատրելիությամբ Triluminos վահանակով: Ներառված է Live Color LED նոր տեխնոլոգիա, որը շնորհված է Bravia հեռուստացույցների կողմից և լուծում է Xperia Z1-ի էկրանի վատ դիտման անկյան հանրահայտ խնդիրը: Դրա համար սարքում կիրառվել է կարմիր և կանաչ ֆոսֆորների և կանաչ լուսարձակող դիոդների համաձուլում, որոնց մակերևույթը հագեցած է լուսարձակող զտիչներով:

Հայտնի է, որ IPS էկրանի գունային գամման ամենալայնն է բոլոր բջջային սարքավորումների շարքում, և նույնիսկ գերազանցում է Apple iPad-ի և iPhone-ի էկրաններինը: Դրա հետ մեկտեղ այստեղ բացակայում է գերհագեցածությունը, որը նկատվում է OLED էկրանների վրա: X-Reality «շարժիչը» դինամիկայում վերլուծում է արտեֆակտի վրա պատկերված նկարը, գույնը, սրությունը և հակադրությունը, որպեսզի աղմուկի մակարդակը հասնի նվազագույնին: Կիրառվում է «ազնիվ» RGB նախագիծ, և ոչ թե PenTile, որը սովորաբար կիրառվում է 1080p և ավելի բարձր թույլատրելիությամբ էկրաններում:

Որպես պրոցեսոր ընտրվել է քառամիջուկ 2,3 ԳՀց Qualcomm MSM8974-AB Snapdragon 800 չիպսեթը, որը համալրված է 3 ԳԲ օպերատիվ հիշողությամբ:

F/2.0 բացվածքով և լուսարձակիչ դիոդային ֆլեշով հիմնական 20,7 ՄՊ տեսախցիկն ի վիճակի է 4K տեսանյութ նկարահանել: Հայտնվել է Timeshift ռեժիմ, որն անհրաժեշտ է դանդաղեցված տեսանյութերի արդյունքը կազմակերպելու համար, որը 720p տեսանյութ նկարահանելուց տարբերվում է 120 կադր/վ արագությամբ: Իրական ժամանակում հնարավոր է կիրառել բոլոր հնարավոր արդյունքները՝ ստեղծագործական տեսանյութեր ստեղծելով: Առկա է նկարների SteadyShot ծրագրային կայունացում, որը կիրառվում է Handycam սարքերում՝ դողացող ձեռքերի պատճառով լղոզված պատկերը շտկվում է, սակայն երբեմն հանգեցնում է տեսանյութերի որոշ անբնական շարքի: Ամեն դեպքում անհրաժեշտ է մեխանիկական կայունացում, որը կիրառվում է Nokia Lumia 1020-ում կամ LG G2-ում:

Sony-ն Xperia Tablet Z2 է պատրաստել, որն հանդիսանում է Android պլանշետային համակարգիչ Xperia Tablet Z-ի ժառանգորդը: Նորույթն ընդգրկված է փոշե- և ջրակայուն կաղապարում (IP55/IP58), որն ունի 6,4 մմ հաստություն և կշռում է 426 գ (Wi-Fi-մոդել) կամ 439 գ (3G/4G-տարբերակ): Համեմատության համար նշենք, որ անցած տարվա ճապոնական պլանշետի հաստությունը 6,9 մմ էր, իսկ կշիռը՝ 494 գ, իսկ Apple iPad Air-ի մոտ այդ նույն ցուցանիշները հավասար են 7,5 մմ-ի և 469/478գ-ի:

Xperia Tablet Z2 –ն օժտված է 1920×1200 թույլատրելիությամբ 10,1 դյույմանոց Triluminos էկրանով, և Xperia Z2-ում կիրառված էկրանի Live Color LED տեխնոլոգիայով, որը կոչված է ընդլայնել գունային գամման:

Աշխատանքի համար պատասխանատու է քառամիջուկ 2,3 ԳՀց Qualcomm MSM8974-AB Snapdragon 800-ը, որը համալրված է 3 ԳԲ օպերատիվ հիշողությամբ: Նորույթն ունի 16 ԳԲ ծավալով ֆլեշ կուտակիչ, ինչպես նաև microSD բնիկ:

Ստերեոդինամիկները համալրված են S-Force Surround Sound ուժեղարարով և կողմնակի աղմուկը խլացնելու տեխնոլոգիայով:

Մարտկոցի հզորությունը 6000 ժ է, համալրված է Qualcomm Quick Charge գործառույթով, որը մարտկոցի լիցքավորումն արագացնում է 75%-ով;

Հիմնական 8,1 ՄՊ տեսախցիկը օգտվում է այնպիսի ժամանակակից հնարավորություններից, ինչպիսիք են HDR ռեժիմը, փաթեթային նկարահանումը, պանորամա ստեղծելը: Ճակատային 2,2 ՄՊ տեսախցիկը օգտագործվում է տեսազանգի ընթացքում:

Անլար հաղորդակիցների տեսականին շատ մեծ է՝ 3G/4G HSPA+/LTE, GPS + GLONASS, NFC, Wi-Fi 802.11a/b/g/n/ac + Wi-Fi Direct + DLNA, Bluetooth 4.0, ինֆրակարմիր ընդունիչ, ստերեո FM ռադիո:

Տեղադրված է ֆիրմային համալրմամբ Google Android 4.4.2 KitKat օպերացիոն համակարգ:

Sony Xperia Tablet Z2-ը վաճառքում կհայտնվի մարտին՝ սև և սպիտակ կաղապարներով:

Հասանելի է աքսեսուարների հավաքածու՝ Bluetooth ստեղնաշարով պատյան, պատվանդան, Bluetooth բարձրախոսով դոկ կայան, մագնիսային լիցքավորման հարթակ, անլար խաղային PlayStation վերահսկիչ, Bluetooth ականջակալի գործառույթով օժտված հեռակառավարման վահանակ:

Sony-ն ներկայացրել էր նաև M2 մոդելը

Դրոշակակիր Sony Xperia Z2 սմարթֆոնից բացի ճապոնական ընկերությունը նաև էժանագին Xperia M2 սմարթֆոն է ներկայացրել:

Ինչ վերաբերում է Sony Xperia M2-ին, ապա այդ սմարթֆոնում ներդրված է Snapdragon MSM8226 կամ MSM8926 չիպսեթ, 1 ԳԲ ՕՀՍ , 540х960 թույլատրելիությամբ 4,8 դյույմանոց սենսորային էկրան, 4G LTE, Wi-Fi, Bluetooth, GPS, NFC, 8 ԳԲ ներկառուցված հիշողություն, microSD բնիկ, 2300 մԱ/ժ հզորությամբ մարտկոց և Android 4.3 Jelly Bean ՕՀ: Սմարթֆոնի կշիռը 148 գրամ է, ֆիզիկական չափերը՝ 139,6х71,1х8,6 մմ:

Նորույթը կթողարկվի 2014թ-ի ապրիլին: Վերջինիս dual-SIM տարբերակը կանվանվի Xperia M2 Dual:

ZTE-ն մի քանի նոր սարք է ներկայացրել, որոնք աշխատում են Firefox OS 1.3-ի հիման վրա:

ZTE-ն մի փոքր հիասցափեցրեց, քանի որ Firefox ՕՀ-ի ընտրությունը լավագույնը չէ, որը կարելի է անել սմարթֆոնների համար: Սակայն թող տպավորություն չստեղծվի, որ այս ընկերության ներկայությունը ցուցահանդեսին ձևական էր, և վերջինիս տաղավարի կողքով հնարավոր էր անցնել անտարբեր:

ZTE Open C և Open II նորույթները էժանագին սարքեր են և աշխատում են Qualcomm Snapdragon չիպսեթի վրա:

ZTE Open C սմարթֆոնում տեղադրված է 1,2 ԳՀց հաճախականությամբ Snapdragon 200 չիպսեթ, 512 ՄԲ ՕՀՍ, 4 դյույմանոց WVGA թաչսքրին և 1200 մԱ/ժ հզորությամբ մարտկոց: Իսկ ներկայացված նորույթներից ամենահասանելին է 1.2 ԳՀց հաճախականությամբ երկմիջուկային պրոցեսորով, 256 ՄԲ ՕՀՍ-ով, 2 ՄՊ տեսախցիկով, 2 ԳԲ ներկառուցված հիշողությամբ և 1150 մԱ/ժ հզորությամբ մարտկոցով ZTE Open II-ը:

ZTE Grand Memo II LTE

ZTE-ն հպարտանում է Grand Memo II LTE-ով՝ վերջինիս անվանելով «ուլտրաբարակ», քանի որ հաստությունը չի գերազանցում 7,2 մմ-ը: Սակայն չնայած խոշոր ուղղահայաց և զուգահեռ չափսերին՝ 162×83 մմ, հեռախոսը բավականին նուրբ է երևում ձեռքում:

Grand Memo II LTE –ն ընդգրկված է անփայլ պլաստիկում, իսկ ետնամասային վահանակը զարդարված է գեղեցիկ խճանկարային նախշով: Վերին սահմանն ու ստորին հատվածը կլորացաված են՝ գեղագիտություն հաղորդելով:

Էկրանն օժտված է 5,7-ից մինչև 6 դյույմ անկյունագծով, 1280 х720 թույլատրելիությամբ: Նման էկրանի վրա նկարն ու տեքստն այնքան էլ հստակ չեն արտացոլվում, ինչպես LG G Pro 2-ի էկրանի վրա, որն օժտված է 5,9 դյույմանոց 1080p վահանակով:

Grand Memo II LTE-ն կառուցված է Qualcomm Snapdragon 400 պրոցեսորի վրա: Օպերատիվ հիշողության ծավալը 2 ԳԲ է:

16 ԳԲ ֆլեշ կուտակիչը հնարավոր չէ ընդլայնել, քանի որ microSD բնիկ չկա:

Նորույթում տեղադրված են F/2.2 բացվածքով հիմնական 13 ՄՊ և ճակատային 5 ՄՊ տեսախցիկներ:

Ինչպես երևում է անվանումից, գաջեթում կա LTE հաղորդակիցների սատարում: Խոսվում է «երկքարտանիության» մասին:

3200 մԱ/ժ հզորությամբ մարտկոցը անշարժ է և 16 ժամվա ինքնավարություն է ապահովում վիդեոնվագարկման ռեժիմում:

Որպես օպերացիոն համակարգ ընտրվել է Google Android 4.4.2 KitKat-ը, որը հագեցած է ֆիրմային ZTE MiFavor 2.3 ինտերֆեյսով: Նորույթն համալրված է ձեռնոցներով ձեռքերի փոխազդեցություն, առկա է փոքրացված տեսքով էկրանի կլոնավորման գործառույթ, որպեսզի հեշտ լինի սմարթֆոնն աշխատացնել մեկ ձեռքով:

Lenovo-ն S860, S850 և S660

Lenovo ընկերությունը երեք նոր S-Series սմարթֆոններ է ներկայացրել:

Ներկայացված նորույթներից ամենաթանկարժեքը Lenovo S860 սմարթֆոնն է, որն օժտված է 1.3 ԳՀց հաճախականությամբ քառամիջուկ MediaTek պրոցեսորով, 2 ԳԲ ՕՀՍ-ով, 5,3 դյույմ 720p IPS էկրանով, 8 ՄՊ և 1,6 ՄՊ տեսախցիկներով, ինչպես նաև 4000 մԱ/ժ հզորությամբ մարտկոցով, որը այլ սարքերը լիցքավորելու հնարավորություն է տալիս: Սմարթֆոնն արժե $349:

Lenovo S850 –ն ավելի կոմպակտ սմարթֆոն է, որն օժտված է 5 դյույմանոց 720p IPS թաչսքրինով: Սարքի այլ բնութագրերի շարքում են 1.3 ԳՀց հաճախականությամբ քառամիջուկ MediaTek պրոցեսորը, 1 ԳԲ ՕՀՍ-ով, 12 ՄՊ և 5 ՄՊ տեսախցիկները: Գինը $269 է:

Lenovo ընկերությունը MWC 2014-ի շրջանակներում ներկայացրել է իր նոր Lenovo Yoga Tablet 10 HD+ պլանշետը:

Այն հիմնված է 1.6 ԳՀց հաճախականությամբ 4-միջուկային Snapdragon 400 պրոցեսորի վրա, որը համալրված է 2 Գբ RAM-ով և 1920х1200 պիքսելների թույլատրելիությամբ 10,1-դյույմանոց սենսորային էկրանով:

Դրանից բացի Lenovo Yoga Tablet 10 HD+-ն օժտվել է 8Մպ և 1,6 Մպ տեսախցիկներով, Wi-Fi, Bluetooth 4.0 մոդուլներով, 16 Գբ կամ 32 Գբ ներկառուցված հիշողությամբ, microSD բնիկով, 9000 մԱ/ժ հզորությամբ մարտկոցով և Android 4.3 Jelly Bean օպերացիոն համակարգով, որը կթարմացվի մինչև 4.4 KitKat տարբերակը:

Lenovo Yoga Tablet 10 HD+-ն վաճառքում կհայտնվի 2014թ-ի ապրիլին և կարժենա $349:

Asus Fonepad 7

Asus-ը ոչ մի էական մասնակցություն չունեցավ MWC-ին և սահմանափակվեց մի քանի նորույթ ցուցադրելով, որոնք Asus Fonepad 7 պլանշետի մի փոքր թարմացված տարբերակներն են:

Պլանշետի առաջին տարբերակը նախկինի պես հիմնված է Intel Atom Z2560 չիպսեթի վրա, սակայն ի տարբերություն սարքի բնօրինակի, այստեղ հայտնվել է LTE ցանցերի սատարում: Ինչ վերաբերում է երկրորդ սարքին, ապա այն օժտվել է ավելի թույլ Intel Atom Z2520 հարթակով, որը հագեցած է 1.2 ԳՀց հաճախականությամբ պրոցեսորով և կարող է աշխատել միայն 3G ցանցերով:

Intel-ի նորույթները MWC 2014-ին:

MWC 2014-ի շրջաբակներում տեղի ունեցած մամլո ասուլիսի ժամանակ ընկերության նախագահը` Ռենե Ջեյմսը ներկայացրել է Intel Atom շարքին դասվողերկու նոր պրոցեսոր, LTE-Advanced-ի հիմքով կոմունիկացիոն հարթակ, ինչպես նաև հայտարարել է Lenovo-ի, ASUS-ի և Foxconn-ի հետ կնքած երկարաժամկետ համաձայնագրերի մասին:

Intel Atom շարքը համալրվել է Atom Z3480 մոդելով, որի հաճախականությունը 2,13 ԳՀց է, որն ապահովում է արդյունավետության և ինքավար աշխատանքի շատ լավ հարաբերակցություն: Այս պրոցեսորը նախատեսված է պլանշետների և Android ՕՀ-ով սմարթֆոնների համար: Դե իսկ Merrifield հարթակի հիման վրա աշխատող սարքերը սպասվում են այս տարվա երկրորդ կիսամյակին:

FORD SMART CAR

MWC-ին մեծ թվով մեքենաներ չեն ներկայացվել, բայց ներկայացված յուրաքանչյուր մեքենա բացառիկ էր իր բնույթով, իսկ երբեմն էլ նույնիսկ տարօրինակ:
Ինքնատիպ է նաև ցուցադրված Ford ինքնավար մեքենան, որը նման է Google-ի ներկայացրած ինքնավար մեքենային` բացառությամբ խենթ տեսքը:
Այս մեքենան նախատեսված չէ փողոցներում առանց վարորդի երթևեկելու համար, սակայն օժտված է նմանատիպ գործառույթներով:
Այս մեքենան ունակ է իր շուրջն իրական 3D աշխարհ կառուցելու:

Բնական է, որ այս հնարավորություններով օժտված մեքենան էժան չի լինի: Սարքը նաև օգնում է խուսափել հեծանվորդներից կամ դժբախտ պատահարներից` նախազգուշացնելով վարորդին:

Կարդացեք նաև

Apple-ը ներկայացրել է իր նոր iPhone 5-ը

Ստեղծենք մերը՝ Armtab, Armphone, Armauto… [տեսանյութ]

Apple-ը պաշտոնապես ներկայացրել է իր նոր դրոշակակիր iPhone 5S-ը [տեսանյութ]

LG G FLEX`«ինքնավերականգնման» գործառույթ [տեսանյութ]

Log In