iDram հավելված՝ Հայաստանում առաջին բջջային դրամապանակը /տեսանյութ/
Այսօր աշխարհում բջջային հեռախոսի օգությամբ գործարքներ կատարելը համարվում է ամենից հարմարավետ, արագ ու ճկուն տարբերակներից մեկը: 2012-ից Հայաստանը ևս անմասն չմնաց այս նորագույն տեխնոլոգիայից: Հայաստանում առաջին բջջային դրամապանակը ներկայացրել է «Իդրամ» էլեկտրոնային վճարային համակարգը:
«Իդրամ» բջջային դրամապանակը հնարավորություն է տալիս օգտագործողին կատարել վճարումներ, դրամական փոխանցումներ և այլ գործարքներ բջջային հեռախոսի միջոցով: Հավելվածը նախատեսված է iOS և Android օպերացիոն համակարգերով աշխատող սարքերի համար: Այն անվճար է և կարելի է ներբեռնել App Store-ից կամ Google Play-ից:
Ծրագիր մուտք գործելու համար անհրաժեշտ է գրանցվել «Իդրամ» համակարգ: Գրանցման փուլերի, օգտագործման և հնարավորությունների մասին մանրամասն կարող եք ծանոթանալ՝ դիտելով տեսանյութը:
«Իդրամ» բջջային դրամապանակը ներառում է իր մեջ «Իդրամ»-ի վեբ-տարբերակի գրեթե բոլոր հնարավորությունները: Մուտք գործելով հավելված, օգտագործողը կարող է տեսնել մի քանի հնարավորություն՝
— Լիցքավորել հաշվեկշիռը
— Կանխիկացնել
— Վճարել
— Փոխանցել
Բջջային դրամապանակը հնարավոր է լիցքավորել մի քանի տարբերակով՝
— «Իդրամ» կանխավճարային քարտերով (հնարավոր է ձեռք բերել «Իդրամ» մասնաճյուղերից)
— կատարել կանխկիկ լիցքավորում՝ հաճախելով «Իդրամ» մասնաճյուղեր
— բանկային փոխանցմամբ
— Visa կամ ArCa քարտերով
«Փոխանցել» կոճակը հնարավորություն է տալիս «Իդրամ» հաշվեկշռից փոխանցում կատարել մեկ այլ օգտագործողի հաշվեկշռին:
«Իդրամ» բջջային դրամապանակով հնարավոր է կատարել բազմատեսակ վճարումներ: Հավելվածի «Վճարել» բաժնում ներկայացված է վճարումների ցանկը՝
— կոմունալ վճարումներ
— բջջային կապ
— վարկերի մարում
— ինտերնետ
— ավիատոմսեր
— գույքահարկ, հողի հարկ
— ճանապարհային ոստիկանության տուգանքներ
Որպես գործարքների անվտանգության երաշխիք՝ յուրաքանչյուր գործարքից առաջ հավելվածը պահանջում է մուտք անել PIN կոդ, որը օգտագործողը գեներացրել է հենց գրանցման սկզբում՝ հեռախոսահամարն արտոնագրելուց հետո:
Հավելվածի միջոցով դրամական փոխանցումներ կատարելու կամ վճարման բոլոր հնարավորություններից օգտվելու համար, անհրաժեշտ է անցնել նույնականացում, որը կատարվում է 3 փուլով: Առաջին փուլը գրանցումն էր:
Նույնականացման 2-րդ մակարդակն անցնելու համար անհրաժեշտ է սեղմել «անձնական» կոճակը: 2-րդ փուլում օգտագործողը պետք է մուտքագրի անձնական տվյալներ՝ անուն, ազգանուն, ծննդյան ամսաթիվ, անձնագրի տվյալներ և գրանցման հասցե: Դե իսկ նույնականացման 3-րդ փուլում անհրաժեշտ է լուսանկարել անձնագիրը հեռախոսով և հավելվածի միջոցով ուղարկել այն «Իդրամ» օպերատորին: Ապա պահանջվում է զանգահարել օպերատորին Skype-ի միջոցով և հեռախոսի տեսախցիկով ցուցադրել անձնագիրը: Օպերատորը ստուգում է տվյալները և հաստատում 3-րդ փուլի նույնականացումը:
Բջջային դրամապանակի «Կանխիկացնել» բաժնում ներկայացված են հաշվեկշռի կանխիկացման համար հնարավոր բոլոր տարբերակները:
Դե իսկ հարցերի դեպքում հնարավոր է միանալ «Իդրամ»-ի սպասարկման բաժին՝ սեղմելով «Համակարգի սպասարկում» կոճակը:
Ինչպես տեղեկացրեց «Իդրամ»-ի նախագծերի համակարգող Աստղիկ Ազարյանը, բջջային դրամապանակի iOS տարբերակից օգտվում են ավելի քան 2600 օգտագործողներ, իսկ Android տարբերակից՝ ավելի քան 1100:
Լուսինե Պառավյան
