Apple-ը ներկայացրել է իր նոր iPhone 5-ը
Երեկ Սան-Ֆրանցիսկոյում կայացած շնորհանդեսի ժամանակ Apple ընկերությունը ներկայացրեց իր նոր սմարթֆոնը, որն առանձնանում է իր նախնիներից կաղապարի դիզայնով, մեծացրած էկրանով, բարելավված տեխնիկական բնութագրերով, LTE ցանցերի սատարմամբ, թարմացված տեսախցիկով, ինչպես նաև փոփոխված դոկ-հաղորդակիցով: Նոր iPhone-ի արտաքին տարբերությունը իր նախորդ մոդելներից էկրանն է: Այժմ վերջինիս անկյունագիծը 4 դյույմ է, իսկ թույլատրելիությունը` 1136х640 պիքսել է: Փոփոխվել է նաև էկրանի հավաքման տեխնոլոգիան, որն էլ թույլ է տվել նվազեցնել վերջինիս հաստությունը: Այսպիսով նոր iPhone-ը “նիհարել է ” 20 գրամով:
Էկրանից բացի նկատելի են նաև նոր սմարթֆոնի կաղապարի դիզայնի փոփոխությունները. այժմ ետնամասային վահանակը պատրաստված է մետաղից և ապակուց: Առջևի վահանակի վրա տեղերով փոխվել են ճակատային տեսախցիկը և մոտեցման սենսորը: Տեսախցիկը տեղադրված է կենտրոնում` բարձրախոսի տակ: Սմարթֆոնը ստացել է կատարելագործված կառույցով A6 պրոցեսոր, ինչպես նաև 1 Գբ օպերատիվ հիշողություն` կրկնակի անգամ ավելի շատ iPhone 4S-ից: Բացի այդ՝ նոր iPhone-ում հայտնվել է LTE ստանդարտի 4G-մոդուլ: iPhone 5-ը ապահովում է հաճախականության ավելի լայն միջակայք, այդ իսկ պատճառով LTE-ի սատարմամբ երկրների թիվը կրկնապատկվել է: Հարկ է նաև նշել, որ նոր iPhone-ում կիրառվում է Sim-քարտի նոր ֆորմատ` nanoSIM:
Սմարթֆոնի համար նորարություն են նաև տեսախցիկների նոր մոդելները: Հիմնական բնութագրերը նույնն են մնացել (8Մպ, մատրիցայի լուսավորում, բազմաօպտիկական մեխանիզմ, ինֆրակարմիր զտիչ), սակայն ավելացել են նկարների վերամշակման նոր ալգորիթմներ և օպտիկայի շափյուղա տարրեր: Կատարելագործված է նաև ճակատային տեսախցիկը FaceTime-ը` այժմ այն սատարում է տեսահոլովակների նկարահանումը HD-թույլատրելիությամբ: iPhone 5-ում առկա է նաև բարելավված աուդիոհամակարգ. Կիրառվել է երեք բարձրախոս խոսելու ընթացքում աղմուկը վերացնելու նպատակով, կատարելագործվել է բարձրախոսների կառույցը, ինչպես նաև ներդրվել է HD Voice-ի սատարում՝ ձայնը ավելի լավ փոխանցելու նպատակով: Պակաս կարևոր փոփոխություն չէ դոկ-հաղորդակցի փոքրացված բնիկը` գրեթե երկու անգամ: Դա ավելի ակնառու դարձնելու համար Apple-ի շուկայագետները փոխել են բնիկի անվանումը` Dock Connector-ից դարձնելով այն Lightning: Դա առաջին հերթին նշանակում է, որ iPhone-ի, iPad-ի և iPod-ի նախորդ մոդելների համար նախատեսված բոլոր աքսեսուարները այլևս չեն կարողանա աշխատել նոր բջջային սարքավորման հետ: iPhone 5-ը վաճառքում կհայտնվի սեպտեմբերի 21-ին ԱՄՆ-ում, Կանադայում, Մեծ Բրիտանիայում, Գերմանիայում, Ֆրանսիայում, Ավստրալիայում, Ճապոնիայում, Հոնկոնգում և Սինգապուրում նույն գնով, ինչ iPhone 4S-ն էր նախկինում: Այսինքն ԱՄՆ-ում նորույթը կարժենա $199՝օպերատորի հետ համաձայնագիր կնքելու դեպքում, կամ $649` առանց համաձայնագրի:
