Apple-ը պաշտոնապես ներկայացրել է իր նոր դրոշակակիր iPhone 5S-ը [տեսանյութ]
iԵրեքշաբթի օրը՝ սեպտեմբերի 10-ին, Apple-ի հատուկ մամլո-կոնֆերանսի ընթացքում ընկերության միջազգային մարկետինգի գծով գլխավոր տնօրեն Ֆիլ Շիլլերը ներկայացրեց iPhone սմարթֆոնների նոր սերնդակցին՝ iPhone 5S-ին: Սարքը հասանելի է երեք գույներով՝ ոսկեգույն, մոխրագույն և սպիտակ:
iPhone 5S-ի արտաքինը նորություն չէր օգտատերերի համար՝ այն ամբողջովին համապատասխանում է բազմաթիվ «լրտեսական» նկարներին, որոնք հայտնվել էին համացանցում նախքան պաշտոնական շնորհանդեսը: Նորույթի կաղապարը ոչինչով չի տարբերվում iPhone 5-ից: Ետնամասային կաղապարն ու կողային վահանակները պատրաստված են ամբողջովին մետաղից, իսկ վերին և ստորին հատվածները՝ ապակուց, որպեսզի ավելի լավ ընդունի անլար ազդանշանը:
Սարքի ֆիզիկական չափերը նույնն են, էկրանի անկյունագիծը նույնպես նույնն է՝ 4 դյույմ: Այս ամենի հետ մեկտեղ 5S-ն ավելի հեշտ է տարբերակել նախորդ մոդելից, քան iPhone 4S-ը iPhone 4-ից: Առաջին հերթին, նորույթի ճակատային վահանակի վրա՝ անմիջապես «Տուն» կլոր կոճակում տեղադրված է մատնահետքերի սկաները: Այդ տեխնոլոգիան Apple –ը գնել է Authentec ընկերության հետ միասին անցած տարի: Այն առանց դադարի և վայրկյանների ընթացքում ճանաչում է սեփականատիրոջը մատի նկարով, որն էլ ազատում է սարքը ապաարգելափակելու նպատակով կոդ հավաքելու անհրաժեշտությունից:
Երկրորդ հերթին, iPhone 5S-ի ետնամասային վահանակի վրա տեղադրված է լուսարձակիչ դիոդային ֆլեշի կրկնակի մոդուլ: Դա մթության մեջ ավելի որակյալ նկարներ նկարելու հնարավորություն է ընձեռնում: Երրորդ հերթին, Apple-ի նոր սմարթֆոնը ստացել է թարմացված էլեկտրոնային բաղադրություն:
Սարքը կառուցված է A7 պրոցեսորի՝ «աշխարհի առաջին բջջային 64 բիթանոց չիպի» հիման վրա: Նոր պրոցեսորում ARM-միջուկները տեղադրված են ձեռքով, որը շատ ավելի էժան է և դանդաղ, քան ավտոմատ գործընթացը, սակայն հնարավորություն է տալիս ավելի լավ օպտիմալացնել միկրոհամակարգերի աշխատանքը և դրանցից ստանալ ավելի մեծ արագագաործություն և արդյունավետություն: Apple-ի հայտարարությամբ, iPhone 5S –ի հզորությունը 40 անգամ, իսկ գրաֆիկայի արտադրողականությունը 56 անգամ ավելի բարձր է, քան առաջին iPhone-ինը:
Սովորականի նման ընկերությունն ավելացրել է նոր գործառույթներ, որոնք ընդլայնում են հավելյալ հավելվածներ ստեղծելու հնարավորությունները: Այսպիսով, iPhone 5S-ն ստացել է տվյալները մշակելու համար նախատեսված հավելյալ պրոցեսոր, աքսելերոմետր, կողմնացույց և գիրոսկոպ, որը հնարավորույթուն կընձեռի հավելվածներին որոշել՝ արդյոք մարդ է գալիս, վազում է, թե մեքենայով կամ հեծանիվով է ընթանում:
Նորույթն օժտվել է մեծացած պիքսելներով և f/2,2 բացվածքով կատարելագործված 5-տարրանոց տեսախցիկով: Սարքավորման մեջ կիրառվում են մի շարք առաջադեմ տեխնոլոգիաներ, ներառյալ նկարի ավտոմատ կայունացում, որը ավելի որակյալ նկարներ նկարելու հնարավորություն է տալիս: iPhone 5S-ի առանձնահատկությունն է դարձել կրկնակի LED-ֆլեշը, որն ապահովում է մինչև 1000 եզակի գունային երանգներ: Բացի այդ, սմարթֆոնը կարող է միաժամանակ նկարել 10 նկարներ և ընտրել դրանցից լավագույն կադրը:
iPhone 5S-ի տեսախցիկը կարող է պարծենալ նոր գործառույթով՝ վայրկյանում 120 կադր արագությամբ 720p տեսանյութ նկարահանելով: Դրա հաշվին կարելի է ստեղծել հետաքրքիր տեսանյութեր, որտեղ ամեն ինչ ընթանում է դանդաղեցրած ռեժիմով, ինչպես Մատրիցա ֆիլմի մի քանի կադրերում:
Ինչպես նշվեց վերևում, iPhone 5S-ն օժտվել է մատնահետքերի Touch ID սկաներով, որը ներկառուցված է Home կոճակի մեջ: 17 միկրոն հաստությամբ սենսորը կարդում է մատնահետքերը ցանկացած դիրքում: Շափյուղյա մակերևույթն ապահովում է կոճակի պաշտպանությունը:
Մատնահետքերի սենսորը հնարավորություն է տալիս ավտոմատ կերպով ապաարգելափակել iPhone 5S-ն ու հեշտորեն մուտք գործել App Store –ի և iTunes Store-ի մեջ առանց գաղտնաբառ մուտքագրելու: Սարքն իր հիշողության մեջ կարող է պահել մի քանի մատնահետքեր տարբեր օգտատերերի համար:
iPhone 5S-ը համատեղելի է մինչև 100 Մբիթ/վ արագությամբ LTE ցանցերի հետ: iPhone-ն ապահովում է GPRS, EDGE, EV-DO, HSPA, HSPA+, DC-HSDPA և LTE անլար ստանդարտները: Ի դեպ, նոր «խնձորային» սմարթֆոնը կարող է աշխատել ոչ միայն հյուսիս ամերիկյան օպերատորների, այլև Եվրոպայի, Ասիայի և Ավստրալիայի մի շարք բջջային օպերատորների LTE ցանցերում:
iPhone 5S-ի ինքնավար աշխատանքի տևողությունը 3G և LTE ռեժիմներում կազմում է 10 ժամ: Գաջեթը հնարավորություն է տալիս տեսանյութ դիտել 10 ժամվա ընթացքում, աուդիո լսել 40 ժամ շարունակ և աշխատել սպասման ռեժիմում 250 ժամ:
ԱՄՆ-ի, Կանադայի, Մեծ Բրիտանիայի, Ճապոնիայի և Գերմանիայի շուկաներում սարքավորումը կհայտնվի սեպտեմբերի 20-ին: Դեկտեմբերին նորույթը հասանելի կլինի աշխարհի 100 երկրներում: 16 Գբ հիշողությամբ iPhone 5S-ը կարժենա 199 դոլար, 32 Գբ մոդելը՝ 299 դոլար: 64 Գբ հիշողությամբ սմարթֆոնը կարժենա 399 դոլար:
iPhone 5S-ի և iPhone 5C-ի շնորհանդեսի վիդեոձայնագրությունը հնարավոր է դիտել Apple.com կայքում:
