«ԴիջիԹեք Էքսպո 2013». Օրանժ Արմենիան ներկայացրեց MyPlug վարդակն ու GSM տեսախցիկը [տեսանյութ]
«ԴիջիԹեք Էքսպո 2013»-ին Օրանժ Արմենիայի տաղավարում բազմաթիվ գաջեթների կողքին ներկայացված էր MyPlug (իմ վարդակը) սարքը և GSM տեսախցիկը: Նրանք միասին խելացի տան (smart hause) մաս են կազմում: Արտաքինից այն սովորական վարդակ է, սակայն թույլ է տալիս տանից հեռու գտնվելով միացնել և անջատել վարդակին միացված սարքավորումները (հեռուստացույց, ջեռուցման համակարգ և այլն) համապատասխանաբար ON և OFF հրահանգ-հաղորդագրություններ ուղարկելու միջոցով: Նաև կարող եք տեսնել սարքավորումների միացված կամ անջատված լինելը՝ ուղարկելով Status հրահանգը:
Սմարթֆոնի միջոցով կարող եք օնլայն հետևել տան կամ աշխատավայրում կատարվող իրադարձություններին՝ միացնելով այն GSM տեսախցիկին: Այն նաև կարող է լուսանկարել և mms ուղարկել ձեր սմարթֆոնին: Հետաքրքության համար ասեմ, որ ցանկացած ժամանակ կարող եք զանգահարել տեսախցիկին և հրահանգներ տալ նրան (սա այն պահն է, երբ մի քիչ համոզելուց հետո սուրճ էլ կդնի):
Նշենք, որ MyPlug-ն ու GSM տեսախցիկը կարող են խելացի տան անբաժանելի մաս կազմել:
