«ԴիջիԹեք Էքսպո 2013». ՎիվաՍել-ՄՏՍ-ը ներկայացրել է Nokia Lumia 925-ը [տեսանյութ]

«ԴիջիԹեք Էքսպո 2013»-ին ՎիվաՍել-ՄՏՍ-ը Microsoft-ի տաղավարում ներկայացրեց Nokia Lumia 925սմարթֆոնը:

Lumia 925 սմարթֆոնում Nokia-ն շեշտը դրել է ֆոտոհնարավորությունների վրա: Եվ բանը ոչ միայն առաջադեմ ֆոտոմոդուլում է, այլ նկարների վերամշակման համար նախատեսված նոր սերնդի ծրագրային ապահովումը:

Նորույթն օժտվել է 8.7 Մպ թույլատրելիությամբ  PureView տեսախցիկով, օպտիկական կայունացմամբ, ավտոֆոկուսով, հզոր երկակի լուսարձակիչ ֆլեշով, ինչպես նաև 6 լինզաներից բաղկացած օբյեկտիվի նորագույն տեխնոլոգիայով:

Բացի այդ, այստեղ առկա է  Smart Camera ռեժիմը: Այն կարող է ակնթարթում 10 կադր նկարել և այնպիսի գործառույթների միջոցով, ինչպիսիք են «Լավագույն նկարը»  (Best Shot), «Շարժման մեջ նկարը» (Action Shot)  և «Շարժվող օբյեկտի վրա կենտրոնացումը» (Motion Focus), խմբագրել դրանք մեկ բարձրորակ կադր ստանալու համար:

Նշենք, որ Հայաստանում ՎիվաՍել-ՄՏՍ-ը Nokia Lumia 925 սմարթֆոնը էքսկլյուզիվ է ներկայացնում:

Գինը՝ 299000 ՀՀ դրամ

Ձեռք բերելով հեռախոսը ՎիվաՍել-ՄՏՍ-ի սպասարկման կենտրոններից` կարելի է ստանալ բոնուս՝ 10000 ՄԲ ինտերնետ և 10000 ներցանցային րոպե նախընտրած կանխավճարային քարտի համար, և օգտագործել այն 1 տարվա ընթացքում:

Ցանկության դեպքում հեռախոսը կարելի է ձեռք բերել նաև ապառիկ: