Ներկայացվել է Nokia 3310-ի նոր տարբերակը [տեսանյութ]

Լեգենդար Nokia 3310 բջջային հեռախոսի թարմացված տարբերակը ներկայացվել է Բարսելոնայում կայացած MWC 2017 շրջանակներում: Հեղինակավոր հեռախոսի նոր տարբերակը որոշակի արտաքին փոփոխությունների է ենթարկվել. այն քիչ կորացված է, ավելի փոքր չափսերով ու զգալիորեն ավելի բարակ է: Թարմացված մոդելը հասանելի է մոխրագույն, մուգ կապույտ, դեղին ու կարմիր գույներով, միևնույն ժամանակ, առանձին կարելի է ձեռք բերել փոխարինվող վահանակներ:

http://www.mwnews.am/NewsImages/8365/mwNews8365_1.png

Մոդելը նույն 3310 անունն է կրում, սակայն աշխատում է Nokia’s Series 30+ հարթակի վերահսկողության ներքո: Նորույթը հագեցվել է 2,4 դյույմանոց QVGA էկրանով, 2 Մպ-ոց տեսախցիկով և հիշողության քարտի համար նախատեսված բնիկով:

Բոլոր նրանց համար, ովքեր ծանոթ են առաջին մոդելին, ժամանակակից Nokia 3310 մոդելում առկա է հայտնի “Snake” խաղը:

http://www.mwnews.am/NewsImages/8365/mwNews8365_0.jpg

Օրիգինալ Nokia 3310 հեռախոսի վաճառքի մեկնարկը 2001 թվականին է եղել, ողջ աշխարհում 126 մլն օրինակ է իրացվել: Օգտատերերը նշում էին այդ հեռախոսի ամուր իրանն ու մարտկոցի երկար աշխատանքը: Հեղինակները խոստանում են, որ նոր մոդելի մարտկոցը ևս բացառապես երկար կաշխատի. 25 օր` սպասման ռեժիմում, 22 ժամ` հաղորդակցման ռեժիմում: Նոր Nokia 3310-ը կարժենա 49 եվրո:

http://www.mwnews.am/NewsImages/8365/mwNews8365_2.jpg

Բացի այդ` MWC 2017-ի շրջանակներում ներկայացվել են նաև Nokia 5 և Nokia 3 սմարթֆոնները: Nokia 5-ը հագեցվել է 5,2 դյույմանոց էկրանով, Qualcomm Snapdragon 430 պրոցեսորով ու 2 Գբ-ոց օպերատիվ հիշողությամբ: Այս սմարթֆոնը 189 եվրո կարժենա:

Nokia 3-ը կրում է 5 դյույմանոց էկրան ու 8 Մպ-ոց տեսախցիկ: Այս սմարթֆոնը 139 եվրո արժե: Երկու տարբերակներն էլ աշխատում են Android 7.0 Nougat հարթակի վերահսկողության ներքո և վաճառքի կհանվեն 2017 թվականի երկրորդ եռամսյակում:

Ֆիննական ընկերությունը նաև ներկայացրել է հատուկ Nokia 6 տարբերակը, որը հասանելի կլինի ամբողջ աշխարհում, և ոչ միայն Չինաստանում, ինչպես նախկինում: Սովորական Nokia 6 տարբերակի արժեքը 229 եվրո է, իսկ հատուկ Nokia 6 Art տարբերակինը` 299 եվրո:

 

Close
Close