Lenovo-ն ներկայացրեց նոր Moto G5 և Moto G5 Plus սմարթֆոնները

MWC 2017 ցուցահանդեսին Lenovo ընկերությունը ներկայացրեց մատչելի Moto G սմարթֆոնների հինգերորդ սերնդի նոր մոդելները, որոնք առանձնանում են երկար ավտոնոմ աշխատանքով, բարձրակարգ տեսախցիկով ու էկրանով:

Moto G5-ն առանձնանում է մետաղյա իրանով, մատնահետքերի ճանաչման սքաներով, 2800 մԱ/ժ հզորությամբ մարտկոցով, 13 Մպ-ոց տեսախցիկով ու 1,4 ԳՀց ութմիջուկանի պրոցեսորով:

Ինչպես արտադրողն է նշում, Moto G5 Plus-ը հագեցված է իր կարգում ամենազարգացած 12 Մպ-անոց մոդուլով, երբ Dual Autofocus Pixels համակարգի շնորհիվ նորույթի տեսախցիկը վայրկենապես կենտրոնանում է օբյեկտի վրա, իսկ f/1.7 դիաֆրագմայով օբյեկտիվի լուսաուժով պայմանավորված նորույթի համար խնդիր չէ որակյալ լուսանկարներ ստանալ մթության մեջ:

Վաճառքի մեկնարկը հավանաբար հաջորդ ամսին կլինի. Moto G5-ը €199 է գնահատվում (մոտ 100,000 դրամ), 2/16 Գբ-անոց Moto G5 Plus-ը` €279 (140,000 դրամ), իսկ 3/32 Գբ-անոցը` €299 (150,000 դրամ):