12,9 դյույմանոց iPad Pro, Smart Keyboard և Apple Pencil

iPhone-երից բացի, Apple ընկերությունը ներկայացրեց հսկայական՝ 12,9 դյույմանոց iPad Pro պլանշետը, Smart Keyboard ստեղնաշարը և Apple Pencil սթիլուսը:

Սարքավորման էկրանը ունի 2732×2048 պիքասել թողունակություն և 264 ppi խտություն: Օպերատիվ հիշողության ծավալը կազմում է 4 Գբ, իսկ ավտոնոմ աշխատանքի տևողությունը 10 ժամ: Ի տարբերություն այլ iPad սարքերի, նոր պլանշետն աշխատում է Apple Pencil սթիլուսի հետ, որը հատուկ թողարկված է iPad Pro-ի համար:

Սարքի հիմքում ընկած է Apple A9x չիփսետը, որի արտադրողականությունը 1.8 անգամ գերազանցում է A8x-ին: Կրկնակի անգամ արագացել է գրաֆիկական պրոցեսորի աշխատանքը: iPad Pro-ն ունի 8 մեգապիքսլանոց iSight տեսախցիկ, մատնահետքի սքաներ, Bluetooth, Wi-Fiac և LTE Cat.4: Կաղապարի հաստությունը կազմում է 6.9 մմ, քաշը՝ 712 գրամ:

iPad Pro-ի առանձնահատկություններից է դարձել Smart Keyboard ստեղնաշարը, որը սարքին միանում է հատուկ «խելացի» մագնիսների օգնությամբ:

iPad Pro պլանշետի վաճառքը կմեկնարկի 2015 թվականի նոյեմբեր ամսին: Կախված հիշողության ծավալից (32 Գբ, 64 Գբ կամ 128 Գբ), սարքի արժեքը կկզամի 799, 949 կամ 1079 դոլար: Apple Pencil-ը կարժենա 99 դոլար, իսկ Smart Keyboard-ը՝ 169 դոլար: