Նոր սերնդի Apple TV-ն ստացել է Siri և բարելավված հեռակառավարման վահանակ [տեսանյութ]

Apple ընկերությունը ներկայացրել է նոր սերնդի Apple TV-ն: Այն աշխատում է iOS-ի հատուկ տարբերակով, որը ստացել է tvOS անվանումը և սատարում է Siri ձայնային օգնականին: Սարքը ստացել է 64 բիթանոց A8 պրոցեսոր և բոլորովին նորացված ինտերֆեյս, որը սահուն աշխատանք է ապահովում:

Բացի այդ, այժմ հավելվածները կաշխատեն հորիզոնական դիրքով: App Store խանութում հասանելի կլինեն հեռուստասերիալներ, խաղեր, հեռուստատեսային շոուներ և հավելվածներ:

Հեռակառավարման վահանակը օժտված է ինտերակտիվ մակերևույթով: Այն ունի ԻԿ հաղորդիչ, աքսելերոմետր, հիրոսկոպ, Lightning բնիկ և Bluetooth 4.0:

Սարքի չափերը կազմում են 98х98х33 մմ, քաշը՝ 425 գրամ: Ինտերֆեյսում նախատեսված են HDMI 1.4, MIMO տեխնոլոգիայով օժտված Wi‑Fi 802.11ac, Ethernet 10/100BASE‑T բնիկ, Bluetooth 4.0, ԻԿ-ընդունիչ և USB-C:

Apple TV 4-ի վաճառքը կմեկնարկի հոկտեմբեր ամսին: 32/64 Գբ հիշողության ծավալով սարքի արժեքը համապատասխանաբար կկազմի 149 և 199 դոլար: